4:57 PM
“TATLONG PASADA”
Dokumentaryo ni Cesar Apolinario
Para sa I-Witness
Airing Date: Hulyo 20, 2009
Maituturing pa rin bang pambansang sasakyan ang jeepney?
Sa lumipas na mahigit anim na dekada pagkatapos ng Ikalawang Digmaang Pandaigdig mula nang maimbento ang jeepney ng mga Pilipino, itinuring na itong simbolo ng kultura at pagiging malikhain nating mga Pinoy. Pero hindi tulad ng mga bagong bus at tren, tila napag-iwanan na ng teknolohiya ang jeepney. May mga nagsasabing kung magpapatuloy ang ganitong sitwasyon, may posibilidad na mawala na nang tuluyan ang mga tinaguriang hari sa kalsada. Kamakailan lang, naglabas ng anunsyo ang LTFRB na babawasan na nila ang bilang ng mga jeepney na bumibiyahe sa Kamaynilaan.
Sa kanyang kauna-unahang dokumentaryo para sa I-Witness, ikukuwento ng GMA Senior Reporter at award-winning na direktor na si Cesar Apolinario ang buhay ng tatlong jeepney drivers, at isasalaysay ang kanilang mga hinaing at pambihirang pagmamahal sa napiling propesyon.
BASTA DRIVER, SWEET LOVER
Isang patok na jeep ang minamaneho ni Kano, na perpektong halimbawa ng mga katagang “basta driver, sweet lover.” May pitong anak si Kano sa apat na babae na pawang naging pasahero niyang lahat. Nagsisimula sa Montalban, Rizal hanggang Cubao, Quezon City ang biyahe niya, pero para lumaki ang kita, nagka-cutting trip si Kano. Hhindi niya idinideretso ang biyahe sa Cubao para makaiwas trapiko sa Aurora Boulevard, na pugad din ng mga kalaban gaya ng FX at LRT2.
HOME SWEET HOME
Mahigit kalahati ng buhay ni Lolo Pilo, inilaan na niya sa pagmamaneho ng jeepney. Sa loob ng tatlumpu’t walong taon, hindi raw niya pinagsisihan kailanman kung bakit pagmamaneho ang napili niyang propesyon. Noong 1971, nauwi sa hiwalayan ang pagsasama niya at ng kanyang asawa, pero kung si Lolo Pilo ang tatanungin, mas minahal pa niya ang kanyang 14 taong jeepney na nagsilbi rin niyang tahanan.
JEEPNEY EXPRESS
Isang liblib na lugar ang Gadang sa probinsiya ng Benguet, apat na oras na biyahe mula sa Baguio City. Apat lang ang jeep dito na nagbibigay ng transportasyon sa mga residente. Para makatipid sa pamasahe, nakikisuyo ang iba kay Bert na mamili ng kanilang mga pangangailangan sa Baguio. Dahil dito, wala na raw iba pang lugar sa Pilipinas na tumitingala sa mga jeepney driver tulad ni Bert.
Sumakay na at sundan ang “Tatlong Pasada” kasama si Cesar Apolinario sa I-Witness, ngayong Lunes ng hatinggabi pagkatapos ng Saksi.
Dokumentaryo ni Cesar Apolinario
Para sa I-Witness
Airing Date: Hulyo 20, 2009
Maituturing pa rin bang pambansang sasakyan ang jeepney?
Sa lumipas na mahigit anim na dekada pagkatapos ng Ikalawang Digmaang Pandaigdig mula nang maimbento ang jeepney ng mga Pilipino, itinuring na itong simbolo ng kultura at pagiging malikhain nating mga Pinoy. Pero hindi tulad ng mga bagong bus at tren, tila napag-iwanan na ng teknolohiya ang jeepney. May mga nagsasabing kung magpapatuloy ang ganitong sitwasyon, may posibilidad na mawala na nang tuluyan ang mga tinaguriang hari sa kalsada. Kamakailan lang, naglabas ng anunsyo ang LTFRB na babawasan na nila ang bilang ng mga jeepney na bumibiyahe sa Kamaynilaan.
Sa kanyang kauna-unahang dokumentaryo para sa I-Witness, ikukuwento ng GMA Senior Reporter at award-winning na direktor na si Cesar Apolinario ang buhay ng tatlong jeepney drivers, at isasalaysay ang kanilang mga hinaing at pambihirang pagmamahal sa napiling propesyon.
BASTA DRIVER, SWEET LOVER
Isang patok na jeep ang minamaneho ni Kano, na perpektong halimbawa ng mga katagang “basta driver, sweet lover.” May pitong anak si Kano sa apat na babae na pawang naging pasahero niyang lahat. Nagsisimula sa Montalban, Rizal hanggang Cubao, Quezon City ang biyahe niya, pero para lumaki ang kita, nagka-cutting trip si Kano. Hhindi niya idinideretso ang biyahe sa Cubao para makaiwas trapiko sa Aurora Boulevard, na pugad din ng mga kalaban gaya ng FX at LRT2.
HOME SWEET HOME
Mahigit kalahati ng buhay ni Lolo Pilo, inilaan na niya sa pagmamaneho ng jeepney. Sa loob ng tatlumpu’t walong taon, hindi raw niya pinagsisihan kailanman kung bakit pagmamaneho ang napili niyang propesyon. Noong 1971, nauwi sa hiwalayan ang pagsasama niya at ng kanyang asawa, pero kung si Lolo Pilo ang tatanungin, mas minahal pa niya ang kanyang 14 taong jeepney na nagsilbi rin niyang tahanan.
JEEPNEY EXPRESS
Isang liblib na lugar ang Gadang sa probinsiya ng Benguet, apat na oras na biyahe mula sa Baguio City. Apat lang ang jeep dito na nagbibigay ng transportasyon sa mga residente. Para makatipid sa pamasahe, nakikisuyo ang iba kay Bert na mamili ng kanilang mga pangangailangan sa Baguio. Dahil dito, wala na raw iba pang lugar sa Pilipinas na tumitingala sa mga jeepney driver tulad ni Bert.
Sumakay na at sundan ang “Tatlong Pasada” kasama si Cesar Apolinario sa I-Witness, ngayong Lunes ng hatinggabi pagkatapos ng Saksi.
-Kristoffer Brugada
